सूर्तीजन्य पदार्थ विरुद्ध फेसबुक अभियान

सूर्तीजन्य पदार्थ विरुद्ध फेसबुक अभियान

सूर्तीजन्य पदार्थ विरुद्ध फेसबुक अभियान

खोटाङ – स्वास्थ्य अधिकार तथा सूर्ती नियन्त्रण जिल्ला सञ्जाल खोटाङले धुम्रपान विरुद्ध फेसबुक अभियान चलाएको छ। धुम्रपान तथा सूर्तीजन्य पदार्थको सेवनबाट हुने शारीरिक, सामाजिक र आर्थिक क्षती रोक्नका लागि सञ्जालले फेसबुक अभियान चलाएको हो।

सूर्तीजन्य पदार्थ सेवन नगर्न र स्वस्थ जीवनयापन गर्न सञ्जालका पदाधिकारी तथा सदस्यले फेसबुकबाट आह्वान गरेका छन्। सञ्जालको बुधबार बसेको बैठकको निर्णय अनुसार हरेक पदाधिकारी तथा सदस्यहरुले आफ्नो फेसबुक वालमा ‘हामी सबैको ऐक्यबद्धता ! सूर्तीजन्य पदार्थको न्यूनीकरण गर्ने प्रतिबद्धता !! सूर्तीजन्य पदार्थको सेवन नगरौं !!! स्वस्थ जीवन जिऔँ !!!! हाम्रो परिवार सूर्तीजन्य पदार्थमुक्त परिवार हो, अनि तपाईको नि ?’ लेखेका छन्। धुम्रपान सेवन गर्दै आएका नागरिकलाई धुम्रपान त्याग्न नैतिक दवाव सिर्जनाका लागि धुम्रपान विरुद्ध फेसबुक अभियान चलाइएको स्वास्थ्य अधिकार तथा सूर्ती नियन्त्रण जिल्ला सञ्जालका अध्यक्ष दिलीप खत्रीले बताए। ‘मानव रोगको प्रमुख श्रोत नै चुरोट, बिँडी, सूर्ती, तमाखु जस्ता सूर्तीजन्य पदार्थ सेवन हो,’ खत्रीले भने, ‘त्यही भएर हामीले धुम्रपान सेवन गर्ने व्यक्तिलाई विस्तारै धुम्रपान छाड्नका लागि दवावमुलक अभियान चलाउने निर्णय गरेका हौँ।’ सचेतनामुलक सन्देशलाई प्रचार–प्रसार गर्न सञ्जालले सम्पूर्णमा आग्रह समेत गरेको छ।

स्वास्थ्य अधिकार तथा सूर्ती नियन्त्रण जिल्ला सञ्जालले स्थानीय सरकारसँग समन्वय गरेर सचेतनामुलक कार्यक्रम सञ्चालन गर्ने निर्णय गरेको छ। सार्वजनिक स्थल र सरकारी कार्यालयलाई धुम्रपान रहित क्षेत्र घोषणाका क्रममा स्थानीय सरकारलाई सहयोग गर्ने सञ्जालले जनाएको छ। धुम्रपान तथा सूर्ती सेवनबाट हुने मानवीय क्षती कम गर्नका लागि दिक्तेल रुपाकोट मझुवागढी नगरपालिकाले नगरभित्रका सार्वजनिक स्थलमा धुम्रपान सेवनमा रोक लगाएको वर्ष दिनपछि सञ्जालले पनि हरेक सार्वजनिक स्थल तथा सरकारी कार्यालयलाई धुम्रपान रहित बनाउनका लागि सचेतनामुलक कार्यक्रम सञ्चालन गर्ने निर्णय गरेको सञ्जालका उपाध्यक्ष अनिल आचार्यले बताए।

seurce nagarik news

admin

Related Posts

पूर्वमन्त्री एवं विश्व हिन्दू महासङ्घका अध्यक्ष रामचन्द्र अधिकारीले यसवर्ष कात्तिक ४ गतेदेखि नै कार्यालय खोलिए पनि अझै कर्मचारी आइनसकेको बताए । कोजाग्रत पूर्णिमाका दिनसम्म त कार्यालय खोल्ने कर्मचारी मात्र रहेको उल्लेख गर्दै उनले त्यस अवधिमा सेवाग्राही पनि नगएकाले अविलम्ब बिदा कटौती फिर्ता लिन माग गरे । भाषा, धर्म र संस्कृतिमाथि नियोजित तवरले आक्रमण गर्ने क्रममा कसैको इशारामा बिदा कटौती गरिएको सहभागीको भनाइ थियो । कार्यक्रममा नेपाल पञ्चाङ्ग निर्णायक समितिका अध्यक्ष प्रा डा रामचन्द्र गौतम, समितिका पूर्वअध्यक्ष तथा धर्मसभाका अध्यक्ष प्रा डा माधव भट्टराई, संस्कृति, पर्यटन तथा नागरिक उड्डयन मन्त्रालयका सहसचिव भरतमणि सुवेदी, हिन्दू जनजागृति संस्थान भारत गोवाका अध्यक्ष डा चारुदत्त पिँगले, किराँत ज्योतिषी सङ्घका अध्यक्ष चन्द्रकुमार शेर्मा, लामा धर्मगुरु खिलबहादुर थिङ लामा, पर्व सुधार अभियानकर्मी हरिनारायण मल्ललगायतले नेपालका मौलिक धर्मसंस्कृति संरक्षणका लागि सबैका सामूहिक आवाज आवश्यक रहेकामा जोड दिए । शनिबारसम्म चल्ने सम्मेलनमा शुक्रबार पूर्वमहिला, बालबालिका तथा समाज कल्याण राज्यमन्त्री कान्ता भट्टराईले ‘वर्तमान कानूनमा व्यवस्था भएका धर्मशास्त्रसँग बाझिएका महिलासम्बन्धी कानूनी व्यवस्था’ विषयको कार्यपत्र प्रस्तुत गरिन् । यसैगरी नेपाल संस्कृत विश्वविद्यालय वाल्मीकि विद्यापीठ धर्मशास्त्र विभागका अध्यक्ष प्रा डा देवमणि भट्टराईले ‘धार्मिक क्षेत्रमा देखिएका समस्या’ विषयको कार्यपत्र प्रस्तुत गरे । दुवै कार्यपत्रमाथि शनिबार छलफल गरी चार सम्मेलनले पारित गरेका घोषणापत्रको कार्यान्वयनका विषयमा धर्मसभाका अध्यक्ष प्रा डा भट्टराईले अर्को कार्यपत्र प्रस्तुत गर्ने कार्यक्रम रहेको सचिव अरुणकुमार पाण्डेले जानकारी दिए । शनिबार नै सहभागीले उठाउने धर्मशास्त्रीय विषयका जिज्ञासाको समाधान धर्मशास्त्रविद्ले गर्ने गरी व्यवस्था मिलाइएको जनाइएको छ । सम्मेलनमा हिन्दू, बौद्ध, जैन, शिख समुदायका पण्डित, पुरोहित, लामा, ज्योतिषी गरी ५०० भन्दा बढीको सहभागिता छ । सम्मेलनमा भाग लिन भारतबाट ३० पण्डितको समूह आएको छ । नेपालका मौलिक धर्म, संस्कार, संस्कृति र परम्परालाई जीवन्त राख्ने उद्देश्यले सम्मेलन आयोजना गरिएको हो । काजक्रिया घटाउने, आशौच र व्रत खण्डित गर्नेलगायत गतिविधिले मौलिक धर्मसंस्कृतिमाथि आघात पुग्न थालेकाले संरक्षणमा राज्यको ध्यान जानुपर्नेमा सहभागीले जोड दिएका छन् । बृहत् नेपाली शब्दकोशले ‘शास्त्रको तात्पर्य राम्ररी बुझेका विद्वान् व्यक्ति’, शास्त्रवेत्ता, ‘सत् र असत् छुट्याउने बुद्धि भएको व्यक्ति’ लाई पण्डित भनी अर्थ गरेको छ । सम्मेलनले यसअघि नै जारी गरेको पण्डितको आचारसंहिता पालनाका लागि सरकारीस्तरबाट नीतिगत व्यवस्था गर्न पनि सहभागीले माग गरेका छन् ।

leave a comment

Create Account



Log In Your Account