नख्खु विष्फोट प्रकरण : घाइते ३ जनाकै सनाखत, एक गम्भीर

नख्खु विष्फोट प्रकरण : घाइते ३ जनाकै सनाखत, एक गम्भीर

नख्खु विष्फोट प्रकरण : घाइते ३ जनाकै सनाखत, एक गम्भीर

१० फागुन, काठमाडौं । ललितपुरको नख्खुस्थित एनसेल प्रा.लि.को गेटमा विष्फोट हुँदा घाइते भएका ३ जनाकै परिचय खुलेको छ ।

घाइते हुनेहरुमा सिंहप्रताप गुरुङ, प्रतिक्षा खड्का र अनुषा डंगोल छन् । घाइते मध्ये गुरुङको अवस्था गम्भीर छ । उनको अल्का अस्पतालमा उपचार भइरहेको प्रहरी स्रोतको भनाइ छ ।

अन्य दुई जनाको बीएन्डबी र मेडिसिटी अस्पतालमा उपचार भइरहेको छ । हाल घटनास्थलमा नेपाल प्रहरी, नेपाली सेना र राष्ट्रिय अनुसन्धान विभागका अधिकृतहरु खटिएको जिल्ला प्रशासन कार्यालय, ललितपुरले जनाएको छ ।

बिष्फोट भएपछि प्रहरीले सुरक्षा सतर्कता बढाएको छ ।

यो पनि पढ्नुस्, नख्खुस्थित एनसेल मुख्यालयमा विष्फोट, ३ जना घाइते

यसैबीच, कमलपोखरीको आँगन मिठाई पसल अगाडि भेटिएको बम नेपाली सेनाको बम डिस्पोजल टोलीले डिस्पोज गरेको छ ।

काठमाडौंका एसपी अशोक सिंहले बम डिस्पोज भएको पुष्टि गरेका छन्

बलात्कारीले छोरी जलाए, बुबा न्याय माग्न सक्दैनन् !

१० फागुन, हरिहरपुर (धनुषा) । उनी बोल्न सक्तैनन् । रुनलाई उनको आशु निखि्रसकेको छ । उनी निरन्तर एकै ठाउँमा बसेर टोलाइरहन्छन् ।

बलात्कारपछि ज्यूँदै जलाएकी छोरी दितिया (रेशमा) का पिता देवनारायण रसाइलीको दिन एकोहोरो टोलाएरै बितिरहेको छ । उनी पहिल्यैबाट बोलीबिहीन थिए । अहिले त अरुको बोली बुझ्ने क्षमता पनि हराएको छ ।

गत बिहीबार बलात्कारपछि जलाएर हत्या गरिएकी ११ वर्षकी रेशमा देवनारायण रसाइलीकी एक्ली सन्तान थिइन् । त्यो घटनापछि पुरै हरिहरपुर स्तब्ध छ । त्यो अपराध गरेका निरज जर्घामगर पक्राउ परेपनि हरिहरपुर स्तब्ध र त्रसित छ ।

सबैकी प्यारी रेशमा

गाउँकै विद्यालयमा कक्षा २ मा पुगेकी चञ्चल रेशमा हंसमुख स्वभावका कारण गाउँमा सबैको प्यारी थिइन् । उनी पढाईमा पनि एकदमै राम्रो रहेको माइलो बुवा पदमचन्द्र रसाईली बताउँछन् ।

कान्छी काकी मीरा रसाइलीका अनुसार, उनी आफ्ना बाबालाई असाध्यै माया गर्थिन् । ‘गीत सुन्न र नाच्न भनेपछि हुरुक्क हुन्थिन्’, काकी मीरा भन्छिन्, ‘गाउँमा बिहेबटुला हुँदा खुब नाच्थिन् ।’

अपराधको शिकार भएको दिन पनि रेशमा गाउँकै इन्द्र बुर्जा मगरको छोरीको विवाहमा बजिरहेको गीतमा रमाइरहेकी थिइन् । उनका बाबा र काकाहरु भन्दा अगाडि उनी पुगेकी थिइन् । संगै बिहेभोज खाएर अविभावकहरु घर फर्के, उनी नाच्न त्यही बसिन् । भोलि बिहान उनको जलेको शव घर नजिकैको उखुबारीमा फेला परेको थियो ।

रेशमा तीन बर्षकी हुँदा उनकी आमाले घर छोडिन् । कहाँ गइन्, कसैलाई थाह छैन । छोरीलाई बाबाले नै पाले । त्यसमा काकाकाकीहरुको ठुलो भरथेग रहृयो ।

रेशमा पनि आवाजविहीन थिइन् । रेशमाकी आमा देवनारायणका जेठा दाजु फटिकलाल पनि बोल्न सक्दैनथे ।

चार दाजुभाइमध्ये साइला देवनारायण खेतीपाती गर्थे ।

विश्वकर्मा परिवारको थोरै खेतीपाती छ तर, सिंचाईको व्यवस्था नहुँदा बर्षे झरीको भरमा छन् । यताउता काम गरेर खाद्यान्न जुटाउनुपर्ने मौसममा अपराधको शिकार बनेर बस्नुपर्दा कम्तिमा आगामी दिन असहज बनेको दाजु पदमचन्द्र रसाईलीले बताए । ‘अपराधीलाई सरकारले कडा कानुनी कारबाही गर्नुपर्छ’, उनले भने, ‘भाइलाई पनि सरकार, गैर-सरकारी संस्था वा व्यक्तिहरुले केही आर्थिक सहयोग गर्नुपर्‍यो ।’

seurce online khabar

admin

Related Posts

leave a comment

Create Account



Log In Your Account