बुबाको हत्या र भाइलाई खुकुरी हान्नेलाई साढे ३७ वर्ष कैद

बुबाको हत्या र भाइलाई खुकुरी हान्नेलाई साढे ३७ वर्ष कैद

बुबाको हत्या र भाइलाई खुकुरी हान्नेलाई साढे ३७ वर्ष कैद

१० फागुन, विराटनगर । जिल्ला अदालत मोरङले मलुकी अपराध संहिता ऐन २०७४ लागू भएपछि पहिलो पटक एकीकृत कसुरमा साढे ३७ बर्ष कैदको फैसला गरेको छ ।

जिल्ला अदालत मोरङका न्यायाधीस राजुकुमार खतिवडाको इजलासले कर्तब्य ज्यान र ज्यान मार्ने उद्योगको एकीकृत कसुरमा विराटनगरका १७ का १९ वर्षका चन्नु भनिने बब्लु सिंहलाई ३७ बर्ष ६ महिना कैदको फैसला गरेको हो ।

आफ्नो बुबाको हत्या गरी भाइलाई खुकुरी प्रहार गरेका सिंहलाई प्रचलित कानुनमा भएको व्यवस्था अनुसार कर्तब्य ज्यान र ज्यान मार्ने उद्योगको एकीकृत कसुरमा अदालतले २५ वर्ष र थप साढे १२ गरी जम्मा ३७ बर्ष ६ महिना कैद सजायको फैसला सुनाएको हो ।

मुद्दा दर्ता भएको दुई महिनापछि पहिलो पटक एकीकृत कसुरमा फैसला भएको श्रेस्तेदार ईश्वर ओझाले जानकारी दिए ।
बब्लुले झड्केलो बाबु शशी सिंहको धारिलो हतियार तरबार प्रहार गरी हत्या गरेका थिए । उनले भाइ मो. आकाश आलमलाई पनि खुकुरी प्रहार गरि घाइते बनाएका थिए । गत मंसिर २८ गते बब्लुले बुबाको हत्या गरेका थिए ।

मदिरा सेवन गरी भाई आकाशसँग झगडा भएपछि छुटाउन गएका शशीलाई चुन्नुले खुकुरी प्रहार गरेका थिए । खुकुरी प्रहारबाट शशीको घटना स्थलमा नै मृत्यु भएको थियो । प्रहरीले सरकारी वकिलको कार्यालय मार्फत पुस २२ गते अदालतमा मुद्दा दर्ता गरेको थियो ।

‘कसुरदारले एउटै वारदातमा एक भन्दा बढी कसुर गरे अपराध संहिता लागू भएपछि एकीकृत कसुरमा सजाय हुने कानुनी व्यवस्था छ,’ श्रेस्तेदार ओझाले भने, ‘कसुरमा अधिकतम सजाय हुने कसुरको डेढी सजाय हुने कानुनी व्यवस्था छ ।’

एकीकृत कसुर अन्तर्गतको कर्तब्य ज्यान र ज्यान मार्ने उद्योगको मुद्दाको फैसलाको प्रमाणीकरण शुक्रबार भएको थियो । सो मुद्दाको माघ २४ गते कसुर ठहर भई माघ २९ गते कैद निर्धारण भएको थियो ।

नयाँ ऐन अनुसार कसुर ठहर भएको ३० दिनभित्र कैद सजाय निर्धारण गर्नुपर्ने कानुनी व्यवस्था अनुसार न्यायाधीश खतिवडाले एक साताभित्र सजाय ठहरको फैसला गरेका हुन् ।

मेलम्चीमा कसैको गिद्दे नजर पर्न दिन्नँ : मन्त्री बिना मगर

१० फागुन, काठमाडौं । खानेपानीमन्त्री विना मगरले मेलम्ची खानेपानी आयोजना आफ्नो सफलतासँग जोडिएको भन्दै कसैको गिद्दे नजर पर्न नदिने बताएका छन् ।

शुक्रबार संसदमा मेलम्चीबारे सांसद र मन्त्री मगरबीच प्रश्नउत्तर भएको थियो । सांसद डिला सङ्ग्रौलाले मेलम्ची खानेपानी आयोजनाको खानेपानी काठमाडौँवासीले कहिले पिउन पाउँछन् ? भन्ने प्रश्न गरेकी थिइन् ।

जवाफमा मन्त्री मगरले भनिन्, ‘मेलम्ची उपत्यकाबासी जनताका निम्ति महत्वपूर्ण आयोजना हो । त्यो सँगसँगै व्यक्तिगत रुपमा मेरो सफलतासँग जोडिएको विषय हो तसर्थ कुनै पनि गिद्धेनजर पर्न दिन्न ।’

मेलम्चीको पानी काठमाडौं ल्याउन ठेकेदार कम्पनीलाई नै जिम्मा दिने आफ्नो पहिलो प्राथमिकता रहेको भन्दै सचिवले त्यसअनुसार काम नगरेकाले सरुवा गरेको उनले मन्त्री मगरले बताइन् ।

‘मैले देखेको फर्मुला मेलम्ची आयोजना प्लस सीएमसी आयोजना इजकल्टु (बराबर) काठमाडौको जनता हो’ उनले सचिव गजेन्द्र ठाकुरको सरुवाबारे भनिन् ‘सीएमसीलाई पहिलो प्राथमिकतामा राखेर काम गरियोस् भन्ने निर्देशन थियो । त्यो फर्मुलामा बसेर काम गरेको पाइन ।’

मन्त्री मगरले कहिलेकाहीँ सही ट्रयाक लिन खोज्दा विभिन्न भ्रम फैलिएको दावीसमेत गरिन् ।

लगतै पूरक प्रश्न गर्दै सांसद राजेन्द्रकुमार केसीले गत वैशाखमै पानी आउँछ भनी भाषण भइरहेको थियो किन ढिलाइ भयो, अब पानी आउने प्रष्ट तिथिमिति जानकारी पाऔँ भनी माग गरे ।

सांसद महेश बस्नेतले मेलम्चीले पाइप विस्तार गरेको स्थानका सडक असरल्ल छ, कहिले बन्छ भन्दै सरोकार भएका निकायलाई राखेर मन्त्रालयले बहस गर्नुपर्ने सुझाव दिए ।

सांसद गगनकुमार थापाले मन्त्रीले सचिवले कमिसन मागेको भन्नु र सचिव ठाकुरले सिएमसीलाई रु तीन करोड दिएर फर्काउन नमान्दा आफू सरुवामा परेको भनेको समाचार प्रकाशित भएको भन्दै दुर्इ मध्ये को दोषी हो भनि प्रश्न गरे ।

सांसद प्रेम सुवालले चार आर्थिक वर्षसम्म समय तोक्दा पनि काठमाडौँ उपत्यकामा पानी नआएकाले उपत्यका वरपरका जलाधारको संरक्षण गर्ने सम्बन्धमा मन्त्रालयको के कार्यक्रम छ भनी प्रश्न गरे ।

जवाफमा खानेपानी मन्त्री मगरले सचिवको अभिव्यक्तिबारे जवाफ दिइरहनु नपर्ने भन्दै पन्छिइन् । मेलम्चीको हकमा सीएमसी आएमा काम छिटो हुने दावी गरिन् । ‘सीएमसी आएमा हामीले नेपाली भेण्डरको समस्या हल गर्न सक्छौं । रिटेण्डर सिस्टमबाट जान भन्दा छोटो समयमा काम गर्न सक्छौं’ उनले भनिन् ‘सीएमसीले विधिसम्मत ढंगले, ठेक्काको मान्यताभित्र रहेर आउँछ भने सरकारले वेलकम गर्छ ।’

‘भेण्डर’को समस्या समाधान गर्न सिएमसी आए सहज हुने भएकाले त्यसको प्रयास भइरहेको उनको दाबी छ । सिएमसी नआए पनि तीव्ररुपमा काम गर्ने गरी पुनःबोलपत्र आह्वानको तयारी गरिएको सुनाइन् ।

seurce online khabar

admin

Related Posts

leave a comment

Create Account



Log In Your Account