शोधकर्ताको दाबीः पुरुषभन्दा महिलाको दिमाग तीन वर्ष जवान

शोधकर्ताको दाबीः पुरुषभन्दा महिलाको दिमाग तीन वर्ष जवान

शोधकर्ताको दाबीः पुरुषभन्दा महिलाको दिमाग तीन वर्ष जवान

महिलाको दिमाग पुरुषको तुलनामा तीन वर्ष जवान हुने नयाँ अनुसन्धानले बताएको छ । वासिङ्टन युनिभर्सिटीका शोधकर्ताले यस्तो दाबी गरेका हुन् ।

अनुसन्धानमा पुरुषको दिमाग उनीहरुको उमेरभन्दा २.४ वर्ष बुढो र महिलाको दिमाग उनीहरुको उमेरभन्दा ३.८ वर्ष जवान हुने बताइएको छ । २० वर्षका युवा–युवतीमा यो आँकडा थप सटिक पाइयो ।

दिमागमा सुगरको प्रयोगलाई बनाइयो आधारः

दुई सय ५ व्यक्तिमाथि गरिएको यो अनुसन्धान नेशनल एकेडेमी अफ साइन्स पत्रिकामा प्रकाशित भएको छ । यसमा एरोबिक ग्लाइकोसिस प्रक्रियाको क्रममा मस्तिष्कमा सुगरको प्रयोग कसरी हुन्छ भनेर थाहा पाउने कोसिस गरियो । यो प्रक्रिया दिमागको विकासमा महत्वपूर्ण भूमिका निभाउँछ । उमेरसँगै यो प्रक्रिया सुस्त हुन्छ ।

शोधको क्रममा २० देखि ८२ वर्षका एक सय २१ महिला र ८४ पुरुषमाथि परीक्षण गरियो । उनीहरुको मस्तिष्कमा अक्सिजन र ग्लुकोजको संचार कति हुन्छ र दिमागको विभिन्न हिस्सामा सुगरको प्रयोग कति हुन्छ भन्ने कुरा जान्न खोजियो । शोधमा आर्टिफिशियल इन्टेलिजेन्सको मद्दतले मेटाबोलिजमको आधारमा महिला र पुरुषको दिमाग र उमेरबीच कस्तो सम्बन्ध छ भन्नेबारे थाहा पाउन कोसिस गरियो ।

वासिङ्टन युनिभर्सिटीका असिस्टेन्ट प्रोफेसर मनु गोयलका अनुसार वैज्ञानिकले अब सेक्ससँग जोडिएका विभिन्न कारणको मस्तिष्कको उमेरसँग कस्तो सम्बन्ध छ भन्ने बारे थाहा पाउने लक्ष्य राखेका छन् । उनीहरुले मस्तिष्कसँग जोडिएका रोगको कारण के के हुन् भन्नेबारे पनि अनुसन्धान गरिरहेका छन्  । उनका अनुसार मस्तिष्क मेटाबोलिजममार्फत् महिला र पुरुषको उमेरमा देखिने परिवर्तनलाई बुझ्न मद्दत गर्छ ।

ROSE DAY: कुन रङको गुलाब के को प्रतिक ?

प्रेम दर्साउन कुनै विशेष अवसर पर्खिनु पर्दैन । तर यस्ता केही विशेष अवसर हुन्छन् जहाँ प्रेमबारे राम्रै चर्चा हुने गर्छ । हरेक वर्ष फेब्रअरी १४ तारिखमा पर्ने भ्यालेन्टाइन डे आउन अब हप्ता दिन मात्रै बाँकी छ तर यसअघि पनि विभिन्न ‘डे’ मनाइन्छन् । यसै क्रममा आज ‘रोज डे’ परेको छ । यसको अवसरमा हामी तपाईंलाई गुलाबका विभिन्न प्रतिकबारे जानकारी दिन्छौं ।

रातो गुलाबः प्रेम, शान्ति र क्षमताको प्रतिक

भ्यालेन्टाइन डेमा सबैभन्दा धेरै रातो गुलाबको आदान–प्रदान हुन्छ । यसलाई प्रेमको प्रतिकको रुपमा हेरिन्छ । रातो गुलाब प्रेम र मनोभावनाको प्रतिक पनि हो ।

गुलाफी गुलाबः मित्रता र मुटुको धड्कनको प्रतिक

यदि कसैले तपाईंलाई भ्यालेन्टाइन डेमा गुलाफी गुलाब दियो भने तपाईंले बुझ्नुहोस् कि ती व्यक्तिले तपाईंलाई ‘मेरो मुटुको धड्कन तिम्रो लागि बाँचिरहेको छ’ भनिरहेका छन् । गुलाफी गुलाब मित्रता र मुटुको धड्कनको प्रतिक हो । गुलाफी रङको गुलाबले सुन्दरता जनाउँछ र हल्का गुलाफी रङको गुलाबको अर्थ भने सहानुभुती र गाढा गु गुलाफी रङलाई भने कृतज्ञतासँग जोड्ने गरिएको छ ।

पहेँलो गुलाबः मित्रता

पहेँलो गुलाब मित्रताको प्रतिक हो । भ्यालेन्टाइन डेको दिनमा खासै आदानप्रदान नुहुने यो रङको गुलाब फ्रेन्डशिप डेमा भने जमेर प्रयोग गरिन्छ ।

सेतो गुलाबः साँचो प्रेम र स्वच्छ हृदयको प्रतिक

सेतो गुलाब साँचो प्रेम र स्वच्छ हृदयको प्रतिक हो । कसैले चोखो मनले माया गरेको छ भने सेतो गुलाब उपहारको रुपमा रोज्छन् । सेतो रङको गुलावको अर्थ भने शुद्धता सरलता र शान्तिसँग जोडिन्छ ।

कालो गुलाबः बिदाईको प्रतिक

कालो गुलाब बिदाईको प्रतिक हो । यो रङको गुलाबले माया मरिसकेको दर्साउँछ ।

seurce ratopati

 

admin

Related Posts

leave a comment

Create Account



Log In Your Account