आईसीसीले पठायो क्रिकेट खेलाडीको तलव, यस्तो छ खेलाडीको बर्गीकरण

आईसीसीले पठायो क्रिकेट खेलाडीको तलव, यस्तो छ खेलाडीको बर्गीकरण

आईसीसीले पठायो क्रिकेट खेलाडीको तलव, यस्तो छ खेलाडीको बर्गीकरण

काठमाडौं–नेपालका क्रिकेट खेलाडीले दुई वर्षदेखि रोकिएको मासिक तलब एकै पटक पाउने भएका छन् । अन्तर्राष्ट्रिय क्रिकेट काउन्सिल (आईसीसी) ले खेलाडीको रोकिएको तलब एकैपटक पठाएको छ ।

नेपाल क्रिकेट संघ (क्यान) लाई प्रतिबन्ध गर्दै आएको (आईसीसी) ले खेलाडीको रोकिएको तलव एकैपटक दिन लागेको हो ।

राष्ट्रिय खेलकुद परिषद (राखेप) ले आईसीसीलाई खेलाडीको तलब वितरणका लागि खेलाडीको नयाँ श्रेणी निर्धारण गरेर यसअघि नै पठाएको थियो । आईसीसीले राखेपमार्फत खेलाडीको तलव दिन लागेको हो । तलबका लागि आईसीसीले राखेपको खातामा पैसा पठाइसकेको राखेपले जनाएको छ ।

आईसीसीको निलम्बनमा पर्नुअघि क्यानले ‘ए’, ‘बी’ र ‘सी’ गरी तीन श्रेणीमा खेलाडीको वर्गीकरण गरेको थियो । क्यानले सन् २०१५ देखि बर्गीकरणमा परेका खेलाडीलाई मासिक तलव दिन थालेको थियो । खेलाडीले सन् २०१७ जुलाइसम्म तलव पाएका थिए । त्यसपछि रोकिएको तलव दिलाउन आईसीसीलाई नेपालका खेलाडीले समेत अनुरोध गरेका थिए ।

तलव वितरणका लागि आइसीसीले प्रशिक्षक जगत टमटा र कप्तान पारस खड्का लगायतको सल्लाहमा खेलाडीको नयाँ बर्गीकरण गरेर आइसीसीमा पठाएको थियो । जसमा ए, बी र सी तीनै श्रेणीमा सातसात गरी २१ खेलाडी समावेश छन् ।

ए श्रेणीका खेलाडीले मासिक ३५ हजारका दरले एकमुष्ठ आठ लाख ४० हजार पाउनेछन् । बी श्रेणीका खेलाडीले मासिक २५ हजारका दरले ६ लाख र सी श्रेणीका खेलाडीले मासिक १५ हजारका दरले तीन लाख ६० हजार रुपैयाँ पाउनेछन् ।

यस्तो छ खेलाडीको बर्गीकरण

ए श्रेणीमा कप्तान पारस खड्का, उपकप्तान ज्ञानेन्द्र मल्ल, शरद भेषावकर, वसन्त रेग्मी, सोमपाल कामी, सन्दीप लामिछाने र दीपेन्द्रसिंह ऐरी छन् । बी श्रेणीमा आरिफ शेख, करण केसी, ललित भण्डारी, अनिलकुमार शाह, रोहितकुमार पौडेल, ललितनारायण राजवंशी र शक्ति गौचन छन् । सी श्रेणीमा सुवास खकुरेल, सागर पुन, दिलिपनाथ, सुनील धमला, सुशन भारी, किशोर महतो र विनोद भण्डारी रहेका छन् ।

एजेन्सी–ढेड महिना अघि म्यानचेस्टर युनाइटेडको अन्तरिम प्रशिक्षकको जिम्मेवारी सम्हालेका ओले गनर सोल्सारले प्रिमियर लिगको उत्कृष्ट प्रशिक्षक अवार्ड जितेका छन् ।

प्रिमियर लिग आयोजकले शुक्रबार राति ओलेलाई जनवरी महिनाको उत्कृष्ट प्रशिक्षकको अवार्ड प्रदान गरेको हो । ओलेसँगै युनाइटेडकै स्ट्राइकर मार्कुस रास्फोर्डले प्लेयर अफ दी मन्थ अवार्ड जितेका छन् । रास्फोर्डले जनवरीमा ६ खेल खेल्दै तीन  गोल गरेका थिए ।

चर्चित प्रशिक्षक जोसे मोउरिन्होले लिगमा राम्रो नतिजा निकाल्न नसकेको भन्दै युनाइटेडले मोउरिन्होलाई बर्खास्त गरेपछि ओलेले अन्तरिम प्रशिक्षकको जिम्मेवारी पाएका थिए । ४५ बर्षीय ओलेको प्रशिक्षणपछि युनाइटेडले खेलेका १० खेलमा नौ जित हात पारेको छ । युनाइटेड लिगमा अहिले पाचौं स्थानमा छ ।

ओले म्यानचेस्टर युनाइटेडमा सर एलेक्स फर्गुसनपछि यो उपाधि हासिल गर्ने पहिलो प्रशिक्षक पनि बनेका छन् । यसअघि सन् २०१२ मा फर्गुसनले यस उपाधि जितेका थिए । जनवरी महिनाको उत्कृष्ट प्रशिक्षक बन्ने क्रममा हओलेले बर्नलीका सन डाइस र साउथह्याम्पटनका राल्फ हासनहटललाई पछाडि पारे ।

seurce ratopati

admin

Related Posts

leave a comment

Create Account



Log In Your Account